Fevralın 13-də Kəngərli Rayon İcra Hakimiyyətinin başçısı Kamal Ələkbərov növbəti səyyar qəbulu Yeni Kərki kənd sakinləri ilə keçirib.

Rayon İcra Hakimiyyətinin məsul əməkdaşları, idarə, müəssisə və təşkilat rəhbərlərinin iştirak etdiyi qəbulda rayon icra hakimiyyətinin başçısı qeyd edib ki, Azərbaycan Respublikasının Prezidenti cənab İlham Əliyevin İcra Hakimiyyətlərinə tövsiyə və tapşırıqlarından biridə vətəndaşlarla görüşlərin keçirilməsidir. Səyyar qəbulların keçirilməsində əsas məqsəd vətəndaşları qəbul edərək şikayətlərini dinləmək və həlli istiqamətində aidiyyəti tədbirlər görməkdir.

İcra başçısı Azərbaycan Respublikasının Prezidenti cənab İlham Əliyevin muxtar respublikamıza göstərdiyi diqqət və qayğıdan, o cümlədən "Naxçıvan Muxtar Respublikasının 2023-2027-ci illər üçün sosial - iqtisadi inkişafına dair Dövlət Proqramı"ndan, kəndin içməli və suvarma suyu ilə bağlı problemlərinin həlli istiqamətində görülən işlər haqqında vətəndaşlara məlumat vermişdir.

Daha sonra icra başçısı vətəndaşları narahat edən məsələlərlə yaxından tanış olub, müraciət və təkliflərini dinləyib. Hər bir vətəndaşın müraciəti qeydiyyata alınaraq problemlərin aradan qaldırılması istiqamətində aidiyyəti üzrə müvafiq göstəriş və tapşırıqlar verilib.